Barbara Jooste se Melktert

As jy nie die skilferkors self wil maak nie, gebruik gerus ‘n gekoopte deeg, die beste wat jy kan bekostig, maar maak hierdie melktertpap – dis so lekker jy sal dit sommer so uit die kastrol uit wil eet!

(Skilferkorsdeeg maak genoeg vir 12 terte; die melktertpap is genoeg vir 3 terte) 

SKILFERKORSDEEG (maak 12 korse!)

BESTANDDELE VIR KORS:

  • 1,3 kg meelblom
  • 3 ml sout
  • 5 ml kremetart
  • 250 g botter of margarine
  • 4 eiers, geskei (slegs eiergeel word gebruik vir deeg)
  • 30 ml suurlemoensap
  • Yswater
  • Smeerlaag: 375 g botter (of margarine
  • Meelsprinkel: 500 ml meel en 5 ml kremetart saamgesif 

METODE VIR KORS:

1. Sif die meelblom, sout en kremetart saam.

2. Vryf die botter of margarien in, tot die mengsel soos broodkrummels lyk.

3. Voeg die suurlemoensap by die eiergele en vul met yswater aan tot 600 ml. Klits goed saam.

4. Voeg die eiermengsel by die meelmengsel en werk tot ‘n gladde deeg. Bªre in die yskas vir ± 20 minute.

5. Rol die deeg uit op ‘n meel-kremetart gestrooide werksarea. Smeer die botter oor (onthou om altyd weg van jou af te rol met kort, ligte bewegings – die geheim is om nie die deeg onnodig te rek nie). Vou die deeg, bedek met plastiek en bªre weer in yskas vir 20 minute. Herhaal die rol proses en vou. Bere tot benodig.

Wenk: wanneer jy die deeg finaal uitrol om in die tertborde te sit, gooi bietjie mielieblom op die werksoppervlakte) 

MELKTERTVULSEL (genoeg vir 3 terte)

(Wenke: voer jou blikborde met uitgerolde deeg voor jy die pap begin maak, en plaas blikborde – bedek – terug in die yskas tot die pap klaar is. Voorverhit jou oond ook – want sodra die vlapap reg is, moet dit vuurwarm in die tertkors gegooi word en oond toe gaan). 

BESTANDDELE VIR VULSEL:

Vir stap 1:

  • 300 ml meelblom
  • 75 ml mielieblom
  • 5 ml sout
  • 180 ml suiker

Vir stap 2:

  • 6 eiergele
  • 1 ml egg yellow kleursel (of mespunt borrie) as eiergele te lig is
  • 15 ml vanieljegeursel
  • 2 druppels amandelgeursel
  • 500 ml melk

Vir stap 3

  • 1½ liter melk
  • 1 kaneelstokkie
  • 25 g botter
  • 250 ml suiker
  • 80 ml koue water
  • Vir stap 4
  • 6 eierwitte
  • 120 ml suiker
  • Kaneel of kaneelsuiker vir oorstrooi (opsioneel)

METODE VIR VULSEL:

Stap 1: Sif die meelblom, mielieblom, sout en suiker saam. Hou eenkant.

Stap 2: In ‘n aparte mengbak, klits die eiergele, eiergeel kleursel, amandergeursel en 500 ml melk liggies saam. Hou eenkant.

 Stap 3: Voeg die 1½ liter melk, kaneelstokkie, botter, suiker en koue water in ‘n kastrol en bring tot kookpunt. 

Stap 4: In ‘n aparte bak, klits die eierwitte en suiker saam tot punte vorm. Hou eenkant.

5. Voeg die eiermengsel van stap 2 by die meelmengsel van stap 1 om vla te vorm.

6. Voeg die warm melkmengsel van stap 3 by die vlamengsel (nie in die kastrol nie), meng vining en plaas terug in die kastrol.

7. Roer oor lae hitte tot verdik. Een “plop” van die mengsel is die aanduiding dat die vlappap reg is.

8 Gooi terug in die vlamengsel bak en vou die eierwitte van stap 4 in.

9. Giet van die vlamengsel in blikborde wat met skilferkors uitgevoer is en bak by 225 C vir 10 minute. Draai hitte af na 200 C en bak vir nog 5 minute. Roteer en draai die borde en bak vir nog 5 minute.


KREDIET: https://huiskok.com/tag/onthoukos/

Aantal kere besoek: 258

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Kaserige tuna-pannekoeke
Kaserige tuna-pannekoeke...meer
Wortel-appel koek
Wortel-appel koek...meer
Gestolde Wortelslaai
Gestolde Wortelslaai...meer
Curried Wheat Salad with peaches
Curried Wheat Salad with peaches...meer
Appel-kaas Slaai
Appel-kaas Slaai...meer
Marie Beskuitjie Tert
Marie Beskuitjie Tert...meer